Poslovne vijesti - Makedonija

„Силмак“ почна да работи

Комбинатот од Јегуновце „Силмак“ ги запали печките и ги отвори погоните. Најголемиот македонски капацитет за производство на феросилициум почна повторно да работи, но сега под палка на новото раководство од компанијата „Метал Инвест ЕФТ“ која пред извесно време се стекна со сопственост на фабриката од тетовско Јегуновце.

Менаџерите велат дека доаѓаат подобри денови за „Силмак“, а сега во оваа фаза на работа се вратени околу 250 работници.

„Идните планови се да во зависност од коњуктурата на цените на пазарот „Метал Инвест ЕФТ“ вклучи и дополнителни печки, што ќе подразбере дополнителни количини на феросилициум кој што ќе биде произведен, но воедно и дополнителни вработувања. Во моментот се вработени околу 250 луѓе, кои што биле и порано вработени во комбинатот“, рече Кочо Анѓушев - ЕФТ.